سفارات المعرفة لمكتبة الأسكندرية ؛الآن فى المحافظات

مكتبة الإسكندرية الجديدة أو الهيئة العامة لمكتبة الإسكندرية

 هي إعادة إحياء لـمكتبة الإسكندرية القديمة أكبر مكتبات عصرها في مشروع ضخم قامت به مصر بالاشتراك مع الأمم المتحدة، حيث تم بناء المكتبة من جديد في موقع قريب من المكتبة القديمة بمنطقة الشاطبي بالمدينة. وتم افتتاح المكتبة الحديثة في 16 أكتوبر 2002  بحضور عالمي  ؛ كما يوجد بها سبع مكتبات وهى :

·         مكتبة المواد السمعية والبصرية

·         مكتبة المكفوفين (مكتبة طه حسين)

·         مكتبة الأطفال

·         مكتبة النشء

·         مكتبة المواد الميكروفيلمية

·         الكتب النادرة والمجموعات الخاصة

·         مكتبة الخرائط

       مكتبة الإسكندرية فيها كل رسائل الماجستير والدكتوراة من كل الجامعات المصرية، وهي أكبر مستودع رقمي للكتب في الوطن العربي ؛ عشان كده الباحثين بيحتاجوها ويسافروا لها من كل مكان في مصر عشان يبحثوا على رسائل  الماجيستير والدكتوراة أو على كتاب معين.

لكن اللي مايعرفوش معظم الباحثين أن مكتبة الإسكندرية مش بس في اسكندرية إسألنى إزاي ؟  
أقولك .........
تقدم سفارة المعرفة لطلبة الدراسات العليا  اتاحة قاعدة بيانات DAR التي تحتوي على أكثر من 50,000 وعاء معلوماتي ما بين كتب ورسائل علمية باللغات العربية والإنجليزية والفرنسية، واتاحة قاعدة E-Marefa العربية تحتوي على رسائل علمية من الجامعات العربية باللغات العربية والإنجليزية، و اتاحة الكثير من قواعد البيانات مثل ProQuest – Elsevier – Arabic collection online-African journal archive،   
وكمان؛ وأنت قاعد في البيت تقدر تدخل على المستودع الرقمي لمكتبة الإسكندرية وتبحث فيه على أي كتاب أو أي رسالة ماجستير أو دكتوراة هتلاقيها وده اللينك :

  http://dar.bibalex.org/ 
وكمان متاح ليك تطلع على فهرس الرسالة أو الكتاب و5% منهم
 طب وبقية الكتاب ؟  

لازم أروح اسكندرية عشان أجيبه ؟
لا ؛ مكتبة الإسكندرية عملت حاجة في معظم المحافظات اسمها سفارات المعرفة 

 تقدر تروح أي سفارة من السفارات دي وتنزّل جزء من الكتاب أو الرسالة إللى حضرتك محتاجها من هناك ببلاش؛ والنت هناك سريع جداً؛ واسأل مجرب
وسفارات المعرفة عبارة عن  بروتكول تعاون بين مكتبة الاسكندرية ومختلف الجامعات المصرية ؛ لكي تتمكن مكتبة الاسكندرية من خلاله ان توفر خدمتها للطلبة والباحثين؛ وتمكنهم من الاطلاع على الكتب والأبحاث والرسائل العلمية عن طريق السفارة وبشكل مجاني وإقامة العديد من ورش العمل للطلبة.

 عرفت ليه مكتبة الإسكندرية مش بس في اسكندرية  !
كمان تقدر تشوف بث حي للمحاضرات الموجودة في مكتبة الإسكندرية؛ وكمان في شوية كورسات جميلة ومحاضرات دسمة وقيمة جداً تقدر تشوفها من هناك من الرابط ده ؛ وكمان تقدر تنزل الماتيريال الخاصة بها؛ وحضرتك فى بيتك بتشرب شايك؛ ملفوف بلحافك أو فى الصيف مسقع تكييفك  
http://ssc.bibalex.org/
ولو أنت باحث افتح اللينك ده  وادعيلي :
http://ssc.bibalex.org/helpdesk/introduction.jsf

مكتبة الإسكندرية عملت حاجة اسمها سفارات المعرفة في 188 محافظة لغاية دلوقتي وقريباً في جميع المحافظات 
سفارات المعرفة تتيح لك أكبر مستودع رقمي للكتب في الوطن العربي، يشمل الكتب الموجودة في مكتبة الإسكندرية - بدل ماتروح اسكندرية - وكمان يشمل كل رسائل الماجستير والدكتوراة من كل الجامعات المصرية وده مهم جداً جدًا للباحثين 
تقدر تبحث في الكنز ده وأنت قاعد في البيت من هنا:
http://dar.bibalex.org/
وبعد ماتلاقي اللي أنت عاوزه تقدر تروح أقرب سفارة للمعرفة ليك وتنزله مجانا.
كمان تقدر تحضر بث حي للمؤتمرات والمحاضرات المقامة في مكتبة الإسكندرية، ومتاح ليك آلاف الكورسات تقدر تشوفها وأنت هناك.
عناوين سفارات المعرفة اللي قدرت أجمعها ليكم على مستوى الجمهورية:
مواعيد العمل بها  من يوم  الأحد إلى الخميس من الساعة 8 صباحاَ إلى 4 مساءً
 √ سفارة المعرفة جامعة بنى سويف :

 كلية الآداب الدور السادس
 √ سفارة المعرفة جامعة المنصورة :
المكتبة المركزية بجوار السنتر، الدور الأرضي.
√  سفارة المعرفة جامعة القاهرة:
المكتبة المركزية، الدور الأرضي.
 √ سفارة المعرفة جامعة عين شمس:
كلية الأداب، جامعة عين شمس.
√ سفارة المعرفة جامعة دمياط:
دمياط الجديدة، كلية التربية، مبنى القاعات، الدور الأرضي، أمام شئون الخريجين.
 √ سفارة المعرفة جامعة كفر الشيخ:
كلية التربية الدور الأرضي.
√ سفارة المعرفة جامعة الزقازيق:
مبنى رئاسة الجامعة، الدور الثالث.
 √ سفارة المعرفة جامعة الفيوم:
المكتبة المركزية جامعة الفيوم.
 √ سفارة المعرفة جامعة الأزهر:
المكتبة المركزية جامعة الأزهر.
 √ سفارة المعرفة القليوبية:
جامعة بنها، مبنى كلية تجارة إنجليزي.
√ سفارة المعرفة جامعة أسوان:
كلية الهندسة، مكتب الدراسات والاستشارات الهندسية، الدور الثاني علوي.
√ سفارة المعرفة جامعة جنوب الوادي .. قنا:
جامعة جنوب الوادي .. مبنى الإدارة المركزية الجديد .. الدور الأرضي.
√ سفارة المعرفة المنيا:
الإدارة العامة للمكتبات .. الدور الثاني علوي.
√ سفارة المعرفة طنطا:
كلية الأداب بمجمع الكليات بسبرباي.
√ سفارة المعرفة بورسعيد:
كلية الهندسة جامعة بورسعيد.
 √ سفارة المعرفة الإسماعيلية:
مبنى الأنشطة جامعة قناة السويس.
 √ سفارة المعرفة جامعة سوهاج:
مبنى الإدارة المركزية الدور الرابع.